Գլխավոր » Լրահոս, ԽՈՀԱՆՈՑ, Կիրակնօրյա էջ

Բաղադրատոմս` Ալլա Լևոնյանից

Փետրվար 14, 2015թ. 12:13
Խոհանոց-Ալլա

Երգչուհի Ալլա Լևոնյանի առաջարկած բաղադրատոմսը կոչվում է “Միս ֆրանսիական ձևով”:

“Ես այս ուտեստը պատրաստում եմ աչքաչափով: Բարակ շերտով կտրատված տավարի միսը անհրաժեշտ է լավ ծեծել (ինչպես լանգետ պատրաստելիս) համեմել աղով, պղպեղով և դնել մի կողմ:

Ջեռոցը տաքացնել, թավայի վրա տեղ-տեղ կարագի կտորներ դնել և ծեծած միսը կողք-կողքի շարել թավայի մեջ: Մսի կտորների վրա կտրատած սունկ (շամպինիոն)շարել, վրայից թթվասեր քսել, ապա ամբողջը ծածկել քերիչով քերած պանրով ու դնել ջեռոցը:
Ջեռոցում թողնել 30-ից 40 րոպե:

Եփելու սկզբնական շրջանում ջուր է դուրս տալիս, տնային տնտեսուհիներին զգուշացնում է Ալլան, ու հավելում.”Պետք չէ անհանգստանալ, միսն այդ ջրի մեջ եփվում է, ապա կարմրում ևվարդագույն է դառնում: Ցանկության դեպքում կարելի է նաև սոխարած ավելացնել”:

Երգչուհին առաջարկում է պատրաստել նաև իր սիրած աղցանը:

“Ես հաճախ եմ պատրաստում այս աղցանը”,-ասում է Ալլան ու նկատում, թե այն հարմար է, քանի որ բոլոր օգտագործվող բաղադրիչները պատրաստի վիճակում խանութներում վաճառվում են:
Եվ առաջարկում իր սիրած աղցանը:

Անհրաժեշտ է վերցնել մեկական տուփ պահածոացված կտրատած սունկ, կտրատած զեյթուն և եգիպտացորեն, դրանք խառնել կես բաժակ կտրատած ընկույզի հետ: Այս ամենին ավելացնել թթվասեր և դարձյալ խառնել:

Զարդարել կտրատած կանաչիով:

Պատրաստեց` Նաիրա ՕՍՅԱՆԸ

Տպելու տարբերակ Տպելու տարբերակ

Դիտել Լրահոս, ԽՈՀԱՆՈՑ, Կիրակնօրյա էջ բաժնի բոլոր նյութերը



Digg this!Add to del.icio.us!Stumble this!Add to Techorati!Share on Facebook!Seed Newsvine!Reddit!Add to Yahoo!

Մեկնաբանությունները թույլատրված չեն