Գլխավոր » Politics, Լրահոս, Հոգևոր

Սա անկախ Հայաստանի ամենախայտառակ քվեարկությունն էր. սեռական փոքրամասնությունների քարոզը սնող ուժերը պետք է պատասխան տան. Շարմազանով

Նոյեմբեր 16, 2018թ. 22:23
Էդուարդ շարմազանով

Ազգային ժողովում «Հատուկ պետական պաշտպանության ենթակա անձանց անվտանգության ապահովման մասին» ՀՀ օրենքում լրացումներ կատարելու մասին» օրենքի նախագծի քվեարկությունը բուռն բանավեճով ընթացավ:

Հիշեցնենք, որ նախագծով առաջարկվում էր Ամենայն Հայոց Կաթողիկոսի անվտանգությունն ապահովել այնպես, ինչպես երաշխավորված է ՀՀ նախագահի, վարչապետի և ԱԺ նախագահի անվտանգությունը: Նախագծի ընդունման դեպքում Կաթողիկոսի անվտանգության ապահովումը կերաշխավորվեր օրենքով, այլ ոչ թե՝ վարչապետի հայեցողությամբ:

Վարման կարգով ելույթում «Ելք» խմբակցության ղեկավար Լենա Նազարյանը ասաց, որ եթե Կաթողիկոսի անվտանգությունը պաշտպանության կարիք ունենա, ապա կառավարությունը հատուկ միջոցներ կձեռնարկի դրա համար, ուստի դա օրենքով ամրագրելու կարիք չկա:

ԱԺ փոխնախագահ Էդուարդ Շարմազանովն էլ հակադարձեց, որ Կաթողիկոսի անվտանգության մասին եթե-ներով խոսելու հարկ չկա և օրինագծի ընդունումը կարևոր է:

ՀՅԴ խմբակցության ղեկավար Արմեն Ռուստամյանն էլ նկատեց, որ ճիշտ չէ Վեհափառին դնել մի իրավիճակի մեջ, երբ ինքը կխնդրի իրեն պաշտպանել:

«Լավ կյանքից չի, որ այս նախագծի անհրաժեշտությունը առաջացել է: Փաստերը խոսում են այն մասին, որ ոչ միայն Առաքելական եկեղեցու հովվապետը, այլ եկեղեցին կարիք ունի պաշտպանության», – ընդգծեց Ռուստամյանը՝ կոչ անելով կողմ քվեարկել նախագծին:

«Ծառուկյան» խմբակցության քարտուղար Վահե Էնֆիաջյանը ևս համաձայնեց, որ եկեղեցին պաշտպանության կարիք ունի, մինչդեռ իրենք ձեռնպահ են քվեարկելու:

Պատգամավորների մի մասն էլ պնդեց, որ Վեհափառին պետք չէ պաշտպանել ժողովրդից, և եթե նա չի կարողանում ազատ շրջել ժողովրդի մեջ, ապա դա արդեն իր խնդիրն է:

«Ամենայն հայոց կաթողիկոսին պետք է պաշտպանենք ամենայն հայոց ժողովորդի՞ց: Եթե կան տասնյակ մարդիկ, որ պետքա ոտնձգություն անեն, կառավարությունը դրա պատասխանը տվել է: Միանշանակ է, որ նման պարագայում որևէ բան չի կարող սպառնալ: Մնում էր կաթողիկոսին հայ ժողովրդից պաշտպանեինք», – արձագանքեց «Ելքի» պատգամավոր Ալեն Սիմոնյանը:

ՀՀԿ-ական պատգամավոր Հակոբ Հակոբյանն էլ արձագանքեց, որ այս օրենքը ուղղված չէ հայ ժողովրդից եկեղեցին պաշտպանելուն: «Սեռական և կրոնական փոքրամասնություններից պետք է պաշտպանենք, որոնք դրսից ֆինանսավորվում են և պայքարում են հայ պետականության և հայ համայնքի դեմ», – ասաց նա:

Երկար բանավեճերից հետո նախագիծը դրվեց քվեարկության և, ստանալով 28 կողմ, 10 ձեռնպահ ձայն, չընդունվեց: Քվեարկությունից հետո ԱԺ փոխնախագահ Էդուարդ Շարմազանովը հայտարարեց.

«Սա Անկախ Հայաստանի ամնախայտառակ քվեարկությունն էր: Հայ ժողովրդին պետք է հստակ պատասխան տան այն ուժերը, որոնք սնում են աղանդավորությունն ու սեռական փոքրամասնությունների՝ «գոմիկների» քարոզը՝ երկրորդական դարձնելով եկեղեցու պատասխանատվությունը»:

Հայտարարությունից հետո Շարմազանովը լքեց դահլիճը: Նրան հետևեցին մի շարք ՀՀԿ-ական պատգամավորներ: Արդյունքում դահլիճում քիչ թվով պատգամավորներ մնացին, ինչը հնարավորություն չի տա ընդունել հաջորդ նախագծերը որոնք ներկայացվել են «Ծառուկյան խմբակցության» պատգամավորների կողմից:

 6
Տպելու տարբերակ Տպելու տարբերակ

Դիտել Politics, Լրահոս, Հոգևոր բաժնի բոլոր նյութերը



Digg this!Add to del.icio.us!Stumble this!Add to Techorati!Share on Facebook!Seed Newsvine!Reddit!Add to Yahoo!

Մեկնաբանությունները թույլատրված չեն