Գլխավոր » Society, Լրահոս, Տնտեսություն

ՀՀ–ում խոշոր բիզնեսը պետք է երաշխավորված լինի վենդետայից. Գագիկ Մակարյան

Մայիս 2, 2018թ. 10:24
գագիկ մակարյան

Հայաստանում խոշոր բիզնեսը, որը միահյուսվել է իշխանության հետ, պետք է երաշխավորվի վենդետայից։ Այսպիսի կարծիք ապրիլի 30-ին՝ լրագրողների հետ հանդիպման ժամանակ հայտնել է տնտեսագետ, Հայաստանի գործատուների հանրապետական միության նախագահ Գագիկ Մակարյանը։

Նրա խոսքով՝ ընդդիմադիր շարժման առաջնորդ Նիկոլ Փաշինյանը պետք է ամրագրի, որ նրա հնարավոր հաղթանակը վարչապետի ընտրություններում  սպառնալիք չի ներկայացնում Հանրապետական կուսակցության անդամների հետ կապված խոշոր բիզնեսներին։ Հակառակը, տնտեսագետի խոսքով, նրանք պետք է հասկանան, որ կաշխատեն ավելի բարենպաստ պայմաններում, օրինակ ստիպված չեն լինի ֆինանսավորել այս կամ այն քաղաքական ուժի նախընտրական քարոզարշավը։ «Լավ է թե վատ, բայց նրանք ձեռնարկություններ, աշխատատեղեր են ստեղծել, կարեւոր դեր են խաղում երկրի բյուջեի եւ ՀՆԱ–ի ձեւավորման գործում։ Հետեւաբար, նրանց վենդետայի ենթարկելը հղի է լուրջ տնտեսական հետեւանքներով»,–նշել է Մակարյանը։

Նրա կարծիքով՝ անհրաժեշտ է բացառել խոշոր բիզնեսի ու քաղաքական ուժերի միաձուլումը, լինի դա ՀՀԿ–ն կամ այլ կուսակցություն, իսկ բիզնեսը, իր հերթին, պետք է հասկանա, որ այսուհետ խաղի կանոններն այլ են՝ չպիտի լինի մենաշնորհ, անհավասար պայմաններ։

Տպելու տարբերակ Տպելու տարբերակ

Դիտել Society, Լրահոս, Տնտեսություն բաժնի բոլոր նյութերը



Digg this!Add to del.icio.us!Stumble this!Add to Techorati!Share on Facebook!Seed Newsvine!Reddit!Add to Yahoo!

Մեկնաբանությունները թույլատրված չեն