Գլխավոր » Լրահոս

Երևանի տարբեր հատվածներում մեկնարկել են քաղաքացիական անհնազանդության ակցիաները.168.am

Մայիս 2, 2018թ. 09:56
ցույց

Երևանի տարբեր հատվածներում մայիսի 2-ի վաղ առավոտից մեկնարկել են Ազգային ժողովի պատգամավոր Նիկոլ Փաշինյանի նախաձեռնած քաղաքացիական անհնազանդության ակցիաները:

09:31 – Ոստիկանությունը հորդորում է Մաշտոց-Ամիրյան խաչմերուկում հավաքված քաղաքացիներին բաց անել ճանապարհը և վերականգնել բնականոն երթևեկությունը:

 09:11 – Դեպի «Զվարթնոց» օդանավակայան տանող ճանապարհը փակել են մի խումբ քաղաքացիներ: Նրանց շարքում են աշակերտներ, ովքեր հայտարարել են, որ դասադուլ են անում և միանում են բողոքի ակցիային: Շատ զբոսաշրջիկներ իրենց ճամպրուկներով ոտքով են շարժվում դեպի օդանավակայան:

Դեպի օդանավակայան տանող խաչմերուկում կուտակված մեքենաների վարորդների և ճանապարհը փակած քաղաքացիների միջև անգամ տեղի ունեցավ թեթև քաշքշուկ: Մի մեքենայի վարորդն ու ուղևորները պահանջում էին բաց անել ճանապարհը՝ նշելով, որ կարևոր գործեր ունեն: Փոքր վիճաբանությունից հետո նրանց հաջողվեց հեռանալ խաչմերուկից: Ճանապարհահատվածում զգալի թվով ոստիկաններ են կուտակված:

Փակված է նաև Աշտարակից դեպի Երևան եկող ճանապարհը:

Բողոքի ակցիաներ են մեկնարկում նաև Երևանի այլ հատվածներում, մասնավորապես Աբովյան փողոցում, Դավթաշենի կամրջի մոտ, փակ են Նոր Նորք վարչական շրջանի մի քանի փողոցներ:

168.am

Տպելու տարբերակ Տպելու տարբերակ

Դիտել Լրահոս բաժնի բոլոր նյութերը



Digg this!Add to del.icio.us!Stumble this!Add to Techorati!Share on Facebook!Seed Newsvine!Reddit!Add to Yahoo!

Մեկնաբանությունները թույլատրված չեն