Գլխավոր » TOP, Լրահոս, Քաղաքականություն

Նիկոլ Փաշինյանին և նրա համախոհներին. ԱՀՎԿ հայտարարությունը

Ապրիլ 21, 2018թ. 23:32
վտարանդի կառավարության զինանշան

Այս օրերին համայն հայության ուշադրության կենտրոնում է Երևանը եւ տեղի ունեցող քաղաքացիական ընդվզումը: Արևմտյան Հայաստանի Վտարանդի Կառավարությունը չի կարող անտարբեր մնալ Հայաստան Պետության տարածքում ընթացող բողոքի ցույցերի և քաղաքացիական զարգացումների նկատմամբ :

Հայաստան Պետությունը գտնվում է իր համար շատ բարդ աշխարհաքաղաքական իրավիճակում, և ցանկացած անհամաչափ ցնցում կարող է անդառնալի հետևանքներ ունենալ մեր պետության վրա։ Հասարակությունը շատ լավ տեղյակ է, թե ինչ վտանգների մեջ կարող է հայտնվել մեր պետությունը։
Հայաստանի Հանրապետության յուրաքանչյուր քաղաքացի իրավունք ունի ներկայացնելու իր կարծիքն ու տեսլականը երկրի ներկայի և ապագայի վերաբերյալ և նաև՝ իր իրավունքները պաշտպանել քաղաքացիական անհնազանդության միջոցով ՝ երբևիցե չմոռանալով, որ պետության անվտանգության երաշխավորման կարևորագույն գործոնը ներքին կայունությունն է:

Սիրելի՛ հայրենակիցներ,
Պատմությունն ունի կրկնվելու հատկություն, այն կարող է կրկնվել, և մենք կանգնած ենք այդ կրկնության շեմին։ Պատմության կրկնությունը հաճախ նույնացվում է Ցեղասպանության հետ, որը սխալ մոտեցում է։
Երեւանյան այս իրադրության մեջ կարող է կրկնվել Ալեքսանդրապոլի պայմանագրի մեկ այլ տարբերակը՝ արդեն Ադրբեջան և Թուրքիա պետությունների մասնակցությամբ։ Նոր Ալեքսանդրապոլի պայմանագիրը կվերահաստատի հին Ալեքսանդրապոլի պայմանագիրը։ Հիշեցնենք՝ Հայաստանի Խորհրդային կառավարությունը այն չճանաչեց, քանի որ իշխանության է անցել 1920 թվականի դեկտեմբերի 2-ին՝ պայմանագրի կնքվելուց մի քանի ժամ առաջ։ Այս փաստաթուղթը փոխարինվեց 1921 թ. մարտի 16-ի Մոսկվայի պայմանագրով, ապա այն վերավավերացվեց 1921թ. հոկտեմբերի 13-ին՝ Կարսում կնքված պայմանագրով։

Պետք է հաշվի առնենք՝ Հայաստանի Հանրապետության երաշխավորը այս սահմաններում հանդիսանում է ՌԴ-ն՝ 1921թ.հոկտեմբերի 13-ին Կարսում կնքված պայմանագրով։ Եթե որևէ մեկը ցանականում է վերանայել ՌԴ-Հայաստան պայմանագրերը, ինչը սկզբունքորեն կարող է տեղի ունենալ, ապա Հայաստանի պետական տարածքների հարցը դառնում է վիճահարույց և անխուսափելի է դառնում Հայաստանի նկատամամբ զինված ագրեսիան հարևան թշնամական երկրների կողմից, ինչին կհաջորդի Նոր Ալեքսանդրապոլի Պայմանագիրը ։

Նոր Ալեքսանդրապոլի պայմանագրով վերջնականապես Թուրքիային կանցնի՝
1. Կարսի մարզը, Սուրմալուի գավառը,
2.Նախիջևանը և Արցախը հայտարարվում են Թուրքիայի հովանավորության ներքո,
3. Զանգեզուրը դիտարկվում է որպես վիճելի, ապառազմականացված և տարանցիկ տարածք ։

Սիրելի՛ հայրենակիցներ,
Բերված տարբերակը ամենավատագույնն է և ամենաանսպասելին, սակայն պիտի հիշենք՝ նենգ թշնամին սպասում է պատեհ առիթի՝ վերջնականապես տապալելու մեզ ։

ԱՀՎԿ վարչապետ՝

Ա. Մկրտչյան,

ԱՀՊ ԱԺ նախագահ՝
Տ. Բագրատունի

Տպելու տարբերակ Տպելու տարբերակ

Դիտել TOP, Լրահոս, Քաղաքականություն բաժնի բոլոր նյութերը



Digg this!Add to del.icio.us!Stumble this!Add to Techorati!Share on Facebook!Seed Newsvine!Reddit!Add to Yahoo!

Մեկնաբանությունները թույլատրված չեն