Գլխավոր » Society, Լրահոս, Հասարակություն

Հայաստանի պաուերլիֆթերները աշխարհի հինգ ռեկորդ են սահմանել աշխարհի առաջնությունում

Դեկտեմբեր 9, 2017թ. 19:23
Ալբերտ Տոնոյան

Լեհաստանի Շեդլեց քաղաքում պաուերլիֆթինգի (ուժային եռեմարտ) աշխարհի առաջնությանը, որն անցկացվում էր երեք տարիքային խմբով, մասնակցել է 19 երկրի 435 մարզիկ:

Աբոն ու Գագիկը

Հայաստանը ներկայացած է եղել 18 մասնակցով, որոնք հանդես են եկել բոլոր խմբերում: Վերադառնալուց հետո Հայաստանի պաուերլիֆթինգի ֆեդերացիայի նախագահ Գագիկ Սարոյանն Aravot.am-ին տեղեկացրեց, որ մեր մարզիկներն, ընդհանուր առմամբ, նվաճել են 18 մեդալ եւ սահմանել աշխարհի հինգ ռեկորդ: Ըստ տարիքային խմբի եւ քաշային կարգի, պատվո պատվանդան բարձրացել են:

Պատանիներ, մինչեւ 18 տարեկաններ.

Հովհաննես Անտոնյան՝ 52 կգ, ոսկի, ձգում վարժություն, աշխարհի ռեկորդ:

Նորիկ Կարապետյան՝ 56 կգ, երկու ոսկի, եռամարտ եւ սեղմում պառկած դիրքից:

Երիտասարդներ, 18-23 տարեկաններ.

Զաքար Մխիթարյան՝ 60 կգ, ոսկի, սեղմում պառկած դիրքից:

Ալբերտ Տոնոյան՝ 67,5 կգ, ոսկի, եռամարտ:

Մեծահասակներ, «A» խումբ:

Կամո Բաղդասարյան՝ 52 կգ, ոսկի, ձգում հարթակից, աշխարհի ռեկորդ:

Վիլյամ Սարոյան՝ 75 կգ, ոսկի, սեղմում պառկած դիրքից:

Դավիթ Առաքելյան՝ 90 կգ, բրոնզ, եռամարտ:

Սերգեյ Ալվանյան՝ 90 կգ, ոսկի, ձգում հարթակից:

Նշան Մալխասյան՝ 100 կգ, ոսկի, ձգում հարթակից:

Հրաչ Գուլոյան՝ 100 կգ, բրոնզ, եռամարտ:

Արարատ Լոռեցյան՝ 125 կգ, ոսկի, եռամարտ:

Մեծահասակներ, «B» խումբ.

Արթուր Հակոբյան՝ 100 կգ, երկու ոսկի, եռամարտ (աշխարհի ռեկորդ) եւ ձգում հարթակից:

Հովհաննես Յազիչյան՝ 100 կգ, ոսկի, աշխարհի ռեկորդ, աշխարհի ու Եվրոպայի յոթակի չեմպիոն:

Գեւորգ Դավթյան՝ 110 կգ, ոսկի, սեղմում պառկած դիրքից:

Գագիկ Տոնոյան՝ 110 կգ, ոսկի, եռամարտ, աշխարհի ռեկորդ:

Հայկ Բարսամյան՝ 140 կգ, երկու ոսկի, եռամարտ եւ ձգում հարթակից:

Գագիկ Սարոյան՝ 140 կգ, ոսկի, սեղմում պառկած դիրքից:

Կանայք.

Տաթեւ Մկրտչյան՝ 67,5 կգ, երկու ոսկի, եռամարտ եւ ձգում հարթակից:

Թիմային հաշվարկով Հայաստանի հավաքականը զբաղեցրել է 3-րդ տեղը:

Աշոտ ՀԱԿՈԲՅԱՆ 
aravot.am

Հ.Գ. Հայր և որդի Գագիկ և Ալբերտ Տոնոյանները հայրենիք վերադարձան ոսկյա մեդալներով ու աշխարհի ռեկորդ սահմանած: 
Ի դեպ, մեր սիրելի Աբոն՝ ԱԼԲԵՐՏ ՏՈՆՈՅԱՆԸ ապրիլյան պատերազմի մասնակից է, ամիսներ առաջ է զորացրվել: Սահմանին թշնամու հախից եկավ, հիմա էլ սպորտում է հաղթանակներ բերում մեր երկրին:

Տպելու տարբերակ Տպելու տարբերակ

Դիտել Society, Լրահոս, Հասարակություն բաժնի բոլոր նյութերը



Digg this!Add to del.icio.us!Stumble this!Add to Techorati!Share on Facebook!Seed Newsvine!Reddit!Add to Yahoo!

Մեկնաբանությունները թույլատրված չեն