Գլխավոր » TOP, Իրան, Լրահոս, Վերլուծական, Տարածաշրջան, Քաղաքականություն

Հայկական կողմը Հայաստան-Իսրայել հարաբերությունները ոչ թե հակադրում, այլ համադրում է հայ-իրանական համագործակցությանը

Նոյեմբեր 16, 2017թ. 17:00
Կարեն Վերանյան

Հայաստանը սուվերեն երկիր է և կարող է ու պետք է դիվերսիֆիկացնի իր արտաքին քաղաքականությունը` հայ-իրանական համագործակցության խորացմանը զուգահեռաբար զարգացնելով հարաբերությունները նաև Իսրայելի հետ. Հարկադրված լինելով գոյակցել երկու հարևան երկրների կողմից փակ սահմանների պայմաններում` Հայաստանը էլ ավելի է կարևորում կառուցողական համագործակցությունը տարածաշրջանի բոլոր երկրների հետ. Հայկական կողմը Հայաստան-Իսրայել հարաբերությունները ոչ թե հակադրում, այլ համադրում է հայ-իրանական համագործակցությանը: 


Հայկական կողմն իր հերթին չի խոչընդոտում Իրան-Ադրբեջան, Իրան-Թուրքիա գործակցությանը. Զուգահեռաբար զարգանում են նաև Իսրայել-Ադրբեջան ռազմավարական հարաբերությունները, ինչը մասնակի, սակայն միաժամանակ շոշափելի նշանակություն ունեցավ տարածաշրջանում ռազմական հավասարակշռության խախտման հարցում. Հայկական կողմը հայ-իսրայելական երկխոսության ակտիվացումը, ի թիվս այլ հարցերի, դիտարկում է նաև Իսրայել-Ադրբեջան համագործակցության հավասարակշռման տեսանկյունից:


Ինչպես և տրամաբանորեն սպասվում էր, Ադրբեջանը կփորձի հայ-իսրայելական հարաբերությունների ակտիվացման միտումները արհեստականորեն բերել հայ-իրանական դաշտ՝ փորձելով հնարավորինս սեպ խրել Հայաստան-Իրան համագործակցության հարցում։ Բաքուն սա դիտում է նաև՝ որպես հնարավորություն, մեր տարածաշրջանում իսրայելական գործոնի ներգրավվածության խնդրի հետ կապված Թեհրանի մտահոգությունները Իսրայել-Ադրբեջան ռազմավարական գործակցությունից շեղել դեպի հայ-իսրայելական հարթություն։

ԿԱՐԵՆ ՎԵՐԱՆՅԱՆ

Տպելու տարբերակ Տպելու տարբերակ

Դիտել TOP, Իրան, Լրահոս, Վերլուծական, Տարածաշրջան, Քաղաքականություն բաժնի բոլոր նյութերը



Digg this!Add to del.icio.us!Stumble this!Add to Techorati!Share on Facebook!Seed Newsvine!Reddit!Add to Yahoo!

Մեկնաբանությունները թույլատրված չեն