Գլխավոր » TOP, Լրահոս, Հասարակություն

Դրամաշնորհ ստացող ՀԿ-ները վտանգում են Հայաստանի ազգային շահը

Ապրիլ 25, 2017թ. 23:47
Դրամաշնորհներ

Հարցազրույց <<Միջազգային հումանիտար զարգացման>> հկ-ն փոխնախագահ ԾՈՎԻՆԱՐ ԿՈՍՏԱՆՅԱՆԻ հետ
Ծովինար ԿոստանյանՁեր կազմակերպությունը պատրաստել է զեկույց՝ ՙՙՀայաստանյան հասարակական կազմակերպությունները և արտաքին ազդեցության գործոնը. Ճշմարտություն`ՙՙԻրազեկ քաղաքացիների միավորման՚՚ և այլ հասարակական ուժերի մասին՚՚ թեմայով: Զեկույցում փաստում եք, որ երկու տասնյակ հկ-ներ արևմտյան հիմնադրամներից դրամաշնորհ են ստացել, որի նպատակն է՝ ներազդել մեր երկրի ներքաղաքական, այդ թվում, ընտրական գործընթացների վրա: Ի՞նչ հիմնադրամների մասին է խոսքը,  ի՞նչ փաստերով եք հիմնավորում ձեր ասածը:
-Երկար տարիներ մենք զբաղվում ենք հայաստանյան հասարակական դաշտի ուսումնասիրությամբ: Դեռ երկու տարի առաջ մենք ներկայացնելով մեր հերթական զեկույցը՝ տեղեկացրինք, որ արևմտյան որոշ հիմնադրամներ ֆինանսավորում են տարբեր երկրների հասարակական կազմակերպությունների, որոնք հետո այդ երկրում դառնում են գունավոր հեղափոխություններ իրականացնողներ: Մենք նաև պարզեցինք, որ արևմտյան հիմնադրամները ժամանակին ֆինանսավորել են Վրաստանի, Ուկրաինայի մի շարք կազմակերպությունների, որոնք հետո դարձան այդ երկրներում գունավոր հեղափոխությունների առաջամարտիկներ: Այդ նույն հիմնադրամներն այսօր նաև ակտիվորեն ֆինանսավորում են Հայաստանյան հասարակական կազմակերպություններին: Եվ սա չի կարող չմտահոգել մեզ:

Զեկույցում մենք անդրադարձել ենք արևմտյան երկու հիմնադրամների՝ NED`Ժողովրդավարության սատարման ազգային հիմնադրամին, և EED ՝ ժողովրդավարության եվրոպական հիմնադրամին: Մեկը եվրոպական է, մյուսը՝ ամերիկյան: ՙՙNED՚՚-ը միայն 2016-ին Հայաստանում ֆինանսավորել է 22 հկ-ների, նրանց տրամադրելով 1 մլն, 241 հազար 714 ԱՄՆ դոլարի դրամաշնորհ: Այդ կազմակերպությունների շարքում են ՙՙՄիջազգային հարաբերությունների և անվտանգության հարցերով հայկական ինստիտուտ՚՚-ը, որին տրվել է 45 հազար 36 ԱՄՆ դոլար, Հելսինկյան ասոցիացիան՝ 60 000 66 դոլար, ՙՙԹրանսփարենսի ինտերնեյշնլ՚՚ հակակոռուպցիոն կենտրոնը՝ 49 000 636 դոլար, ՙՙԼրագրողների անկախ ցանց՚՚՝ 91 000 380 դոլար և այլն: Բնականաբար, հարց է առաջանում՝ որքանո՞վ են սրանք անկախ, երբ դրսից այսքան մեծ գումարներ են ստանում:

Ի դեպ, այս փաստերը, որոնք մենք ներառել ենք մեր զեկույցում, փակ աղբյուրներից չենք հայթայթել, դրանք հրապարակված ու տեղադրված են ՙՙNED՚՚-ը հիմադրամի կայքում:

Մենք ուսումնասիրեցինք, թե ի՞նչ նպատակներով են նման մեծ քանակի դրամաշնորհներ հատկացվել հայաստանյան կազամակերպություններին ու իրենց իսկ տեղադրած տեղեկատվությունից պարզեցինք, որ դրամաշնորհների մեծ մասը տրվել է, որպեսզի տեղական հկ-ները հետևեն 2016-2017 թթ. մեր երկրում անցկացվող կարևոր քաղաքական իրադարձություններին՝ ՏԻՄ և խորհրդարանական ընտրություններին: Այսինքն՝ գրանտ տալը հետապնդել է զուտ քաղաքական նպատակ: Տարօրինակ չէ՞, որ արտասահմանյան հիմնադրամը գումար է տալիս տեղական կազմակերպությանը որպեսզի վերջինս ինչ-որ դեր ունենա երկրի քաղաքական գործընթացներում: Սա այլ բան չէ, քան հկ-ների գործունեության քաղաքականացում, ինչը հակասում է Հայաստանի Հանրապետության օրենսդրությանը, համաձայն որի, հկ-ները պետք է զբաղվեն միմիայն հասարակական գործունեությամբ: Մինչդեռ զբաղվելով քաղաքականությամբ՝ այդ հկ-ները մղվում են անօրինական գործունեության դաշտ: Եվ մենք մեր զեկույցում նշում ենք՝ հայկական հասարակական կազմակերպություններին տրամադրված գրանտների մասշտաբների և բովանդակության վերլուծությունը հիմք է տալիս ենթադրելու, որ արտերկրյա հիմնադրամները քաղաքականացնում են տեղական կազմակերպությունների գործունեությունը, նրանց մղելով հակաօրինական դաշտ:
-Նաև հայտարարում եք, որ այդ հկ-ները ստանալով դրամաշնորհներ Հայաստանի ազգային շահը վտանգող գործողություններ կամ քայլեր են իրականացնում: Այստեղ և՞ս ունեք համապատասխան փաստեր:
-Իհարկե: Մենք նկատեցինք, որ այդ բոլոր կազմակերպությունները զարմանալի օրինաչափությամբ հանդես են գալիս հայ-ռուսական հարաբերությունների, նաև ԵԱՏՄ-ին, ՀԱՊԿ-ին Հայաաստանի անդամակցման դեմ: Բոլորը միասնաբար փնովում ու քննադատում են: Մասնավորբար, ՙՙԻրազեկ Քաղաքացիների Միավորում՚՚ հկ-ին նկարահանել է 10-15 տարբեր տեսահոլովակ, ընդորում, բավական բարձր որակի, որոնցում ցույց է տրվում, թե որքան վատ է անդրադարձել Հայաստանի վրա ԵԱՏՄ անդամակցումը ու դեռ ինչպիսի վատ հետևանքներ է այն ունենալու: Սակայն երբ վերլուծում ես նրանց բերած փաստերը, նկատում ես, որ գործ ունես ապատեղեկատվության հետ, որը մատուցվում է մեր հանրությանը: Դրանցում կան և՛ փաստային, և՛ թվային անճշտություններ, պարզապես ներկայացված են գոյություն չունեցող թվեր: Կամ՝ իրար են կապում մեկմեկու հետ անհամադրելի հանգամանքներ, օրինակ, 2016-ին Ադրբեջանի կողմից իրականացված ապրիլյան ագրեսին պայմանավորում են ԵԱՏՄ-ին Հայաստանի անդամակցմամբ: Ի՞նչ կապ ունի ԵԱՏՄ անդամակցումը ադրբեջանական ագրեսիրայի հետ, ստացվում է, եթե Հայաստանը չլիներ ԵԱՏՄ անդամ, այլ լիներ Եվրաասոցացված երկիր Ադրբեջանը նման ագրեսիրայի չէր գնա՞: Սա ի՞նչ անհեթեթություն է: Ինչո՞ւ են ապակողմնորոշում մեր ժողովրդինին:

Ո՛չ Եվրամիությունը, ո՛չ  ՆԱՏՕ-ն Հայաստանի անվտանգության երաշխավորը չեն, հակառակը՝ ՀԱՊԿ շրջանակում է Հայաստանը խորացրել Ռուսաստանի հետ ռազմական համագործակցությունը, ինչը մեր երկրի անվտանգության երաշխավորն է։ Հիշեցնեմ՝ ՀԱՊԿ շրջանակներում Հայաստանը 200 մլն դոլարի վարկ ստացավ, մենք կարողացանք մոտ 1 մլրդ դոլարի սպառազինություն գնել: Շատ լավ գիտենք, որ այդ ամենը մեզ տրամադրվում է մի քանի անգամ էժան գներով: Ինչո՞ւ են այս փաստերն անտեսում և դրա հետ մեկտեղ ապատեղեկատվություն տարածում՝ խեղելով հայ-ռուսական հարաբերությունների իրական պատկերը:

Աշխարհաքաղաքական ներկայիս իրողության պայմաններում Հայաստանի համար շահեկան ենք համարում Ռուսաստանի հետ համագործակցությունը ու մեր դիրքորոշումը հիմնավորում ենք հստակ փաստերով: Հետևաբար, միտում ենք տեսնում, որ արևմտյան հիմնադրամներից ֆինանսավորվող հկ-ները աղավաղում են իրականությունը, գլխիվայր ներկայացնում այն, ու դրանով, փաստորեն, հակադրվում են Հայաստանի ազգային շահերին: Ահա թե ինչո՞ւ ենք ասում, որ նրանց քայլերը չեն բխում Հայաստանի շահերից:
Ձեր զեկույցում հատուկ անդրադարձել եք ՙՙԻրազեկ քաղաքացիական միավորում՚՚ հ/կ-ին, որը ընտրություններից առաջ հրապարակեց մանկապարտեզների ու դպրոցի տնօրենների հետ հայտնի ձայնագրությունները։ Նրանց ներկայացուցիչն ի պատասախան ձեր պնդման, թե իրենք քաղաքական պատվեր են կատարել, հայտարարեց՝ իրենք գրանտատուի ծրագիրը չեն կյանքի կոչում, հետևաբար, քաղաքական պատվեր չեն կատարում և օտարի գործիքը չեն:
-Շատ լավ, եկեք պարզենք իրականությունը. արևմտյան հիմնադրամները, որոնք գումար են հատկացնում տեղական հկ-ին, ունեն իրենց հստակ չափանիշները, ու եթե դու չես տեղավորվում այդ չափանիշների մեջ, ու իրականացնում ես գործունեություն, որը չի բխում իրենց շահերից, դիրքորոշումներից, քո կազմակերպությունը չի կարող գրանտ ստանալ: Իսկ արևմտյան հիմնադրամների չափանիշներն են՝ հանդես գալ ֆեմինիստական շարժումների, ԼԳԲՏ-ների իրավունքների պաշտպանության դիրքերից, նպաստել հայ ընտանիքի, ազգային արժեքների աղճատմանը ու այդ ամենը նրանք ներկայացնում են մեկ փաթեթով:
Ասել է թե, եթե ընդունում են արևմտյան հիմնադրամների խաղի կանոնները, այլևս դառնում են նրանց գաղափարների իրականացնողը:
-Այդպես է, որ կա, և ես համոզված եմ, եթե այդ կազմակերպություններից որևէ մեկը ներկայացնի ուսումնասիրություն, ուր, օրինակ, նշված լինեն ԵԱՏՄ-ին ՀՀ անդամակցման դրական կողմերը, ապա այդ հկ-ն չի ֆինանսավորվի: Սա մի՞թե միակողմանի, անկողմնակալ մոտեցում չէ, ուղղորդում չէ, հասարակական կարծիք ձևավորելու փորձ չէ : Ի վերջո, սա նշանակում է միջամտություն մեր երկրի ներքին գործերին:

Այսպիսով, մեր անհանգստությունը բոլորոին այլ հարթությունում է. մենք գտնում ենք, որ արևմտյան որոշ հիմնադրամներ շատ են միջամտում մեր ներքին գործերին, ինչն անթույլատրելի է ու վրդովեցուցիչ: Ինչ-որ արտասահմանայան հիմադրամ մեկ մլն դոլարի ներդրում է անում Հայաստանի նման փոքր պետության հասարակական դաշտում, սա մեզ համար անընդունելի է:
Ինչ վերաբերում է հիշյալ հկ-ին, մենք չենք անդրադարձել նրանց կողմից հրապարակված մանկապարտեզների ու դպրոցի տնօրենների ձայնագրությանը: Մենք այդ առնչությամբ նշել ենք, որ համապատասխան կառույցները պետք է այդ հարցով զբաղվեն ու տան իրենց գնահատականը, իսկ մեղավորները պետք է պատժվեն: Սակայն այս կազմակերպության հետ կապված մեզ հետաքրքրել է հետևյալը՝ այդ քայլը եղել իրենց նախաձեռնությունը՞, թե՞ թելադրված էր դրսից: Եվ ահա, պարզվեց, որ ՙՙԻրազեկ քաղաքացիական միավորում՚՚ հ/կ-ին 2016 թ. ՙNED՚`Ժողովրդավարության սատարման ազգային հիմնադրամից ստացել է 57 000 դոլար: Հիշյալ գումարի շրջանակներում էլ արվել է այս աշխատանքը, ինչպես նաև, ԵԱՏՄ-ին Հայաստանի անդամակցումը բացասական լույսի ներքո ցույց տալու հետազոտությունը: Փաստորեն, նրանց թիրախն առաջին հերթին եղել է ԵԱՏՄ-ն ու ՀՀ իշխանությունները: Կարծում ենք, որ եթե կազմակերպությունը գրանտի շրջանակում է մի բան անում, թող ազգի նվիրյալ չներկայանա:
Որքան տեղյակ եմ, պատրաստվում եք նոր խորհրդարանին ու կառավարությանը ներկայացնել առաջարկ, որով պահանջելու եք վերանայել Հայաստանյան հ/կ-ների գործունեության ձևաչափը: Ինչի՞ մասին է խոսքը:
-Այո, այս պահին մեր առաջարկները մշակման փուլում են, մենք ոչ թե կառաջարկենք առհասարակ արգելել դրամաշնորհների ստացումը, այլ օրենքով արձանագրել, թե ի՞նչ գործունեության համար են նրանք ստանում այս կամ այն դրամաշնորհը: Դրանով թափանցիկ կդառնա նրանց աշխատանքը ու հասարակության համար էլ պարզ կլինի, թե տեղական կազմակերպություններն այս կամ այն դրամաշնորհը ստանալով նպաստո՞ւմ, թե՞ վնասում են ՀՀ ազգային շահերին:
Արմինե Սիմոնյան

Տպելու տարբերակ Տպելու տարբերակ

Դիտել TOP, Լրահոս, Հասարակություն բաժնի բոլոր նյութերը



Digg this!Add to del.icio.us!Stumble this!Add to Techorati!Share on Facebook!Seed Newsvine!Reddit!Add to Yahoo!

Մեկնաբանությունները թույլատրված չեն