Գլխավոր » Culture-Hogevor, ԼՂ Հանրապետություն, Լրահոս, Հոգևոր

Երուսաղեմի Հայոց Պատրիարքությունը դատապարտում է

Ապրիլ 5, 2016թ. 12:15
Երուսաղեմ

Երուսաղէմի Հայոց Պատրիարքութիւնը խորը ցաւով եւ մտահոգութեամբ տեղեկացաւ Ապրիլ 2-էն սկսեալ Ատրպէյճանի կողմէ Արցախի խաղաղ բնակչութեան եւ զինուորական դիրքերու վրայ ձեռնարկած ռազմական գործողութիւններու մասին:
Երուսաղէմի Հայոց Պատրիարքութիւնը խստօրէն կը դատապարտէ Ատրպէյճանի իշխանութեան կողմէ ձեռնարկած սադրիչ ռազմական գործողութիւնները՝ Արցախի խաղաղ բնակչութեան եւ զինուորներու հանդէպ եւ իր զօրակցութիւնը կը յայտնէ Արցախի խաղաղասէր եւ ստեղծարար ժողովուրդին, հայրենաշէն իշխանութեան եւ Բանակին:

Երուսաղէմի Հայոց Պատրիարքութիւնը Տէրունակոխ սրբավայրերէն կ’աղօթէ առ Աստուած, որպէսզի խաղաղութեամբ եւ համբերութեամբ լեցուին Ձեր սիրտերն ու հոգիները, առաւել ամրանան ձեր բազուկները եւ Աստուածային իմաստութեամբ լուսաւորուին ձեր միտքերը: Արդէն, մասնաւոր շրջաբերականով մը կոչ ըրած ենք մեր տեսչութիւններուն, որպէսզի Սուրբ Յարութեան, Ս. Ծննդեան Տաճարներու եւ Աստուածամօր Գերեզմանին վրայ մատուցուող ամենօրեայ պատարագներու ընթացքին յատուկ աղօթք կատարեն Արցախի խաղաղութեան եւ պատերազմի յաղթական աւարտին համար:

Երուսաղեմի Սրբոց Յակոբեանց Միաբանութիւնը իր ցաւակցութիւնը կը յայտնէ յանուն հայրենիքի պաշտպանութեան զոհուած մեր նահատակներու ընտանիքներուն եւ կ’աղօթէ, որ Երկնաւոր Տերը իր լոյսերու մէջ հանգչեցնէ նահատակներու հոգիները, անոնց ընտանիքներուն շնորհէ Ս. Հոգիի մխիթարութիւն, իսկ վիրաւորներուն՝ շուտափոյթ ապաքինում:

ԴԻՒԱՆ Ս. ԱԹՈՌՈՅ

Տպելու տարբերակ Տպելու տարբերակ

Դիտել Culture-Hogevor, ԼՂ Հանրապետություն, Լրահոս, Հոգևոր բաժնի բոլոր նյութերը



Digg this!Add to del.icio.us!Stumble this!Add to Techorati!Share on Facebook!Seed Newsvine!Reddit!Add to Yahoo!

Մեկնաբանությունները թույլատրված չեն