Գլխավոր » Իրան, Լրահոս, Հասարակություն, Ռուսաստան, Տնտեսություն

Համաշխարհային բանկը շահագրգռված չէ «Նաիրիտ»-ի վերագործարկմամբ. քննարկում “Հայք” կենտրոնում

Մայիս 16, 2015թ. 18:08
Նաիրիտ-Քննարկում ՀԱՅՔ-ում

Այսօր ՀԱՅՔ կենտրոնում կազմակերպվել էր ասուլիս՝ «Նաիրիտ գործարանը կարող է վերագործարկվել» թեմայով

Հյուրերն են՝ ՀՀԿ պատգամավոր Լեռնիկ Ալեքսանյանը, Հայրենական ապրանք արտադրողների միության նախագահ Վազգեն Սաֆարյանը, սոցիոլոգ Ահարոն Ադիբեկյանը:

Ստորև ներկայացնում ենք լրատվամիջոցների արձագանքը.

Համաշխարհային բանկն այնքան էլ շահագրգռված չէ «Նաիրիտ»-ի վերագործարկման հարցով. Վազգեն Սաֆարյան

Կառավարությունը մեզ պետք է ասի այն մինիմալ ժամանակացույցը, որից հետո նաիրիտցիների աշխատավարձերի պարտքերը կմարվեն: Հասկանում ենք, որ կան ֆինանսական խնդիրներ, և «Նաիրիտ»-ի հարցը միայն մեզնից կախված չէ՝ կա նաև Ռուսաստանի դերը, բայց նաիրիտցին պիտի իր ձեռքին փաստաթուղթ ունենա, որ համոզված լինի` ստանալու է իր աշխատավարձերը:

Այս մասին այսօր «Նաիրիտ»-ի վերագործարկման վերաբերյալ հրավիրված քննարկան ժամանակ ասաց «Նաիրիտ» գործարանի արհմիության ղեկավար Հրաչ Թադևոսյանը: Ըստ նրա` այն թյուր կարծիքը, թե նաիրիտցիները չեն աշխատել և հիմա պահանջում են աշխատավարձերը, այդպես չէ, արտադրությանը ծանոթ մարդիկ կհասկանան, որ անկախ գործարանի կանգնած լինելու հանգամանքից, մարդիկ շարունակել են աշխատել: «Այսօր կառավարությունը պարտավոր է պաշտպանել նախկին աշխատակիցների ոտնահարված իրավունքները»,- նշեց Հրաչ Թադևոսյանը:

Անդրադառնալով Համաշխարհային բանկի իրականացրած աուդիտին` Հրաչ Թադևոսյանը ասաց, որ դեռևս չեն ստացել աուդիտի արդյունքները, բայց իրենց տեղեկություններով, ըստ այդ արդյունքների, նպատակահարմար չեն գտնում «Նաիրիտ»-ի վերագործարկումը: Նա նաև նկատեց, որ տարիներ առաջ հենց այդ աշխատանքային խումբն էր կրկին աուդիտ իրականացրել և այն ժամանակ ներկայիս կարծիքին չէին: «Հավաստիացնում եմ, որ «Նաիրիտ»-ը խնդիր չի ունեցել, աշխարհով մեկ իրացրել է իր արտադրանքը և վերագործարկման դեպքում այսօր էլ կարող է 17 միլիոն դոլարի շահույթ ապահովել»,- տեղեկացրեց Հրաչ Թադևոսյանը:

Հայրենական ապրանք արտադրողների միության նախագահ Վազգեն Սաֆարյանը, ով «Նաիրիտ»-ի խնդիրներով զբաղվում է դեռ 2000 թվականից, ասաց, որ գործարանը, ձեռքից ձեռք անցնելով, հասավ ներկա վիճակին: ««Նաիրիտ»-ի վերագործարկումը հնարավոր է իրականանա գազով աշխատելու պարագայում: Տարեկան 80 մլն խմ գազ Իրանից ստանալու դեպքում ապրանքային փոխանակման տարբերակով կաուչուկի արտադրությունը հնարավոր կլինի վերականգնել:

Ընդամենը 55 միլիոն դոլարի ներդրման արդյունքում կարող է վերագործարկվել, և համաձայն եմ Հրաչ Թադևոսյանի հետ՝ կարող է 17 միլիոն դոլարի շահույթ ապահովել»,-ասաց Վազգեն Սաֆարյանն՝ ընդգծելով, որ «Նաիրիտ»-ի վերագործարկման հարցում Կառավարությունը պետք է ուշադիր լինի: «Կարծում եմ` բացակայում է համապատասխան շահագրգռվածությունը: Համաշխարհային բանկն այնքան էլ շահագրգռված չի կարող լինել «Նաիրիտ»-ի վերագործարկման հարցով, քանի որ համագործակցում է ԱՄՆ-ի, Ճապոնիայի և Գերմանիայի կաուչուկի արտադրական ընկերությունների հետ, և կուզենա, որ դրանց արտադրանքը վաճառվի: Իրենց ձեռնտու չէ «Նաիրիտ»-ի վերագործարկումը»,- նշեց նա: Հրաչ Թադևոսյանի կարծիքով` «Նաիրիտ»-ի մասին ԱԺ-ում պետք է օրենք ընդունվի: ««Նաիրիտ»-ը հանրապետական նշանակության ձեռնարկություն է, որի վերագործարկումը քաղաքական կամքի դեպքում հնարավոր է»,- իր խոսքը եզրափակեց նա:
Newsbook.am

Ահարոն Ադիբեկյան. «Նաիրիտի ճակատագիրը հայ հիմարության բացառիկ դեպքերից մեկն է»

Համաշխարհային բանկի՝ «Նաիրիտ» գործարանի շահագործումը ոչ նպատակահարմար գտնելու եզրակացության առիթով այսօր հրավիրված մամուլի ասուլիսի բանախոսներից սոցիոլոգ Ահարոն Ադիբեկյանը նախ նշեց, որ իր առաջին բարձրագույն կրթությունը քիմիկոս-տեխնոլոգ մասնագիտությունն է եղել եւ ինքը պրակտիկա անցել է Պոլիվինիլացետատ գործարանում եւ մասամբ՝ Կիրովի անվան գործարանում: «Նաիրիտի» ճակատագիրը հայ հիմարության բացառիկ դեպքերից մեկն է: ԽՍՀՄ-ից դուրս գալուց փակվեց մոտ հազար գործարան: Կային գործարաններ, որոնց կարիքը կար եւ դրանք չէին կարող փակվել: Բայց երբ մենք ՀՀՇ-ի պարագլուխներին հարցնում էինք, թե «Նաիրիտին» ինչի՞ եք ձեռք տալիս՝ Ռիժկովը 400 միլիոն ռուբլի խոստացավ էկոլոգիական հարցերը լուծելու համար, ասում էին՝ դու գիտե՞ս որ բոլոր ռազմական ինքնաթիռների դողերը մեր Կաուչուկից են ստանում:

Հարցին, թե եթե չտանք, առանց դողի՞ են մնալու, պատասխանում էին՝ չէ, թող ուրիշ տեղից առնեն: Այսինքն, իրենք ուզում էին մեր մի աչքը հանել, նրանց երկուսը հանելու համար: «Նաիրիտը» կարող էր աշխատել, տալ քլորոպրենային կաուչուկ եւ դրա պահանջարկը կար ոչ միայն Սովետական Միությունում եւ ոչ միայն Ռուսաստանում: Բայց ինչ եղավ, այն էլ եղավ: Հիմա խնդիրը հումքն է, որի գինն ազդում է վերջին արդյունքի գնի վրա: Շուկան պահանջարկ ունի:

Անցած տարի մենք նախագահին եւ վարչապետին առաջարկեցինք՝ Մեղրիում պարսկական նավթի բազայի վրա կառուցել նավթավերամշակման գործարան: Արտադրանքներից մեկը բուտադիենն էր, որը կլիներ մեր արտադրանքը, ազատ բոլոր մաքսերից, ցածր գնով: Բուտադիենի կաուչուկը քլորպրենից ոչ պակաս որակավոր է եւ օգտագործվում է նույն նպատակների համար: Ինձ ասացին խելագա՞ր ես, ինչե՞ր ես խոսում: Մեզ 4 միլիոն տոննա նավթ էր պետք: Թուրքիան, Վրաստանը, նույն Իրանը, Ռուսաստանը մեր մթերքն առնում էին: Ընդորում, փողը տալիս էին չինացիները, տեխնոլոգիան՝ ռուսները, պարսիկներին պետք է խնդրեինք 180 կմ պլաստիկե խողովակաշար բերեին ու այդ գործարանը կաշխատեր: Չեղավ: Եթե լիներ, հիմա Կաուչուկը կունենար հումք եւ արդյունքում մենք կարող էինք տալ արտադրանք: Հիմա իմ խնդրանքը մասնագետներին հետեւյալն է. մի հատ ճանապարհային քարտեզ ստեղծեն, բացի աուդիտից հիմնավորեն, թե կաուչուկը միջազգային շուկայում ինչ գին ունի, ծախսը որքան կլինի… այսինքն, պետք է մի սցենար, այլ ոչ վրդովմունք, մի հայտարարություն», – ասաց Ահարոն Ադիբեկյանը:

Հրաչ Թադեւոսյանը տեղում միջամտեց, որ այդ սցենարը կա եւ կառավարությունում է: «Ո՞ւր է: Մի հատ բերեք՝ հանրությանը ներկայացնենք: Մի հատ ասուլիս արեք, ասենք, որ օրինակի համար, քլորոպրենային կաուչուկի տոննան արժի ասենք այսքան: Դա պետք է հանձնվի հանրության քննարկմանը», – հակադարձեց սոցիոլոգը:

Աշոտ ՀԱԿՈԲՅԱՆ
aravot.am

Հրաչ Թադեւոսյան. Նաիրիտցիները ՀՀ քաղաքացիներ են, հետեւաբար, կառավարությունը պարտավոր է պաշտպանել նրանց ոտնահարված իրավունքները

Համաշխարհային բանկը նպատակահարմար չի գտնում «Նաիրիտ» գործարանի վերագործարկումը: Այս առիթով այսօր հրավիրված մամուլի ասուլիսում Հրաչ Թադեւոսյանը, որ ներկայացնում է նաիրիտցիների արհմիությունը, անդրադառնալով ստեղծված իրավիճակին, ասաց. «Բոլորդ էլ տեղյակ եք, որ նոյեմբեր ամսից սկսած գործարանում արհմիության գլխավորությամբ երթեր ու ցույցեր են կազմակերպվում: Պատճառն այն է, որ նախարարը խոստացել էր մինչեւ 2014 թվականի վերջը աշխատավարձերի մարում կկատարվի, սակայն ինչ-ինչ պատճառներով չստացվեց ու մինչեւ օրս երթերի ու ցույցերի մեջ ենք: Վերջին երկու օրը նախազգուշական նստացույց կազմակերպվեց կառավարության շենքի առջեւ: Մեր առաջնահերթ պահանջը գործարանի վերագործարկման հարցն է եւ աշխատավարձերի պարտքերի մարումը: Մենք կառավարությունից շատ բան չենք պահանջում՝ պարտքերի մարման ժամանակացույց: Հասկանում ենք, որ գումարը շատ մեծ է, դրան գումարած, որ ամեն բան կախված չէ միայն Հայաստանի կառավարությունից: Դրա համար պահանջում ենք մի ժամանակացույց, որպեսզի նաիրիտցիները վստահ լինեն, մի փաստաթուղթ ունենան ձեռքներին, որ մի որոշ ժամանակի ընթացքում իրենց աշխատանքի, քրտինքի գումարը կստանան: Վերջին չորս ամսում վարչապետը մեզ չորս անգամ ընդունել է: Եվ այն սկզբնական կարծիքը, թե «Նաիրիտը» մասնավոր ձեռնարկություն է եւ կառավարությունը գործ չունի, հիմա այդպես չի: Կառավարությունն էլ մտահոգված է, որպեսզի մեր հարցերին լուծումներ տա: Ի վերջո, բաժնետոմսերի 10 %-ը կառավարության ձեռքում է եղել ի դեմս էներգետիկայի նախարարության: Սրան ավելացնենք, որ 2200-2300 նաիրիտցիները Հայաստանի քաղաքացիներ են եւ կառավարությունը պարտավոր է պաշտպանել իր երկրի քաղաքացիների ոտնահարված իրավունքները: Վերջին երեք տարում տարբեր աուդիտներ եղան: Առաջին երկուսում տրված է եզրակացություն, որ «Նաիրիտը» կարող է շահույթով աշխատել, իսկ վերջինը՝ Համաշխարհային բանկինը, չգիտես ինչու նպատակահարմար չի գտնում «Նաիրիտի» վերագործարկելը: Ճիշտ է, այդ փաստաթուղթը դեռ պաշտոնապես կոլեկտիվին չեն ներկայացրել, բայց այդ մասին խոսակցություններ արդեն կան: Այսինքն, «Նաիրիտը» շահույթ չի՞ կարող բերել, արտադրանքը չի՞ կարող սպառել: Հավաստիացնում եմ, որ «Նաիրիտը» նման խնդիր երբեք չի ունեցել: Աուդիտի հետ կապված ավելացնեմ նաեւ, որ այն մարդիկ, ովքեր վերջին անգամ եկել եւ աուդիտ են անցկացրել, նախորդ երկուսում ել են եղել ու հիմա անհասկանալի կերպով կարծիքը փոխում են»:
Աշոտ ՀԱԿՈԲՅԱՆ
aravot.am

«Նաիրիտի» ճակատագիրը հայ հիմարության բացառիկ դեպքերից մեկն է. սոցիոլոգ

«Նաիրիտի» վերագործարկումը հանրապետության առաջնային խնդիրներից մեկն է: Գործարանի աշխատակիցների աշխատավարձերի վճարումը, ինչպես նաև գործարանի շահագործումը կարևոր է հանրապետության տնտեսության համար: Լրագրողների հետ հանդիպման ժամանակ նման կարծիք հայտնեցին ՀՀԿ-ական պատգամավոր Լեռնիկ Ալեքսանյանը, սոցիոլոգ Ահարոն Ադիբեկյանը, գործարանի արհմիության նախագահ Հրաչ Թադևոսյանը և Հայրենական ապրանք արտադրողների միության նախագահ Վազգեն Սաֆարյանը:

Գործարանի արհմիության նախագահ Հրաչ Թադևոսյանը, որպես «Նաիրիտի» խնդիրներին քաջատեղյակ մարդ, հանդիպման սկզբում նախ և առաջ անդրադարձավ գործարանի աշխատակիցների նախաձեռնած նստացույցին: Նրա խոսքերով, վերջին մի քանի ամիսների ընթացքում աշխատակիցներն անընդմեջ երթեր և ցույցեր են կազմակերպում՝ պատկան մարմինների ուշադրությունն իրենց խնդրին ուղղելու համար: Նստացույցն, իհարկե, ծայրահեղ քայլ պետք է համարել:

«Մեր հիմնական պահանջը գործարանի վերագործարկման, ինչպես նաև աշխատակիցների պարտքերի մարման հարցն է: Մենք կառավարությունից իրականում շատ բան չենք պահանջում, մեր պահանջը մեկն է. կառավարությունը պետք է մեզ տա աշխատավարձերի մարման մոտավոր ժամանակացույց, որ աշխատողներն իրենց ձեռքին մի փաստաթուղթ ունենան, որով կարող են վստահ լինել, որ կստանան աշխատավարձերը»,- նշեց նա:

Հրաչ Թադևոսյանը փաստեց, որ վերջին 4 ամսվա ընթացքում վարչապետը գործարանի աշխատակիցների ներկայացուցիչների հետ հանդիպել է 4 անգամ: Կառավարությունը ևս մտահոգված է, որ գործարանի աշխատակիցների խնդիրներին լուծում տրվի: Ինչպես շեշտեց գործարանի արհմիության նախագահը, ի վերջո, գործարանի աշխատակիցներն ամենից առաջ ՀՀ քաղաքացիներ են, ուստի պետությունը պարտավոր է պաշտպանել իր քաղաքացիների իրավունքները:

Անդրադառնալով գործարանում իրականացված աուդիտներին՝ Հրաչ Թադևոսյանը փաստեց, որ վերջին տարիների ընթացքում գործարանում իրականացվել է երեք աուդիտ.
«Չնայած աուդիտներն իրականացվել են տարբեր կազմակերպությունների կողմից, բայց պետք է փաստենք, որ այս երեք աուդիտներն իրականացրել են նույն մարդիկ: Ինձ հետաքրքրում է, թե ինչո՞ւ է իրենց կարծիքը փոխվել: Խոսքը վերաբերում է նրան, որ եթե առաջին 2 աուդիտների դեպքում եզրակացություն է եղել, որ գործարանը կարող է նույնիսկ շահույթով աշխատել, ապա Համաշխարհային բանկի իրականացված աուդիտի արդյունքում, դեռևս ոչ պաշտոնական տվյալների համաձայն, գործարանի շահագործումը համարվում է ոչ նպատակահարմար»,-հավելեց նա:

Հայրենական ապրանք արտադրողների միության նախագահ Վազգեն Սաֆարյանը նշեց, որ 2000 թվականից ինքը ևս զբաղվում է «Նաիրիտի» խնդիրներով: Նա ընդգծեց, որ գործարանի խնդիրները սկսեցին, երբ այն սկսեց ձեռքից ձեռք անցնել: Գործարանը հայտնվեց օրհասական վիճակում: «Գործարանի վերագործարկումը ձգձգվում է, քանի որ չկա շահագրգռվածություն: Հենց միայն Համաշխարհային բանկը, կարծում եմ, շահագրգռված չէ գործարանի շահագործմամբ: Նրանց հիմնական դոնորները՝ ԱՄՆ-ը, Գերմանիան, Ճապոնիան, ունեն կաուչուկ արտադրող գործարաններ: Նրանք իրենց գործարանի արտադրանքը կցանկանան իրացնել, ուստի գործարանի շահագործումը պետք է կազմակերպենք սեփական ուժերով»,- փաստեց Վազգեն Սաֆարյանը:

Սոցիոլոգ Ահարոն Ադիբեկյանը Նաիրիտի ճակատագիրը և ներկայիս վիճակը համեմատեց հիմարության հետ՝ մասնավորսապես նշելով. «Նաիրիտի» ճակատագիրը հայ հիմարության բացառիկ դեպքերից մեկն է: ԽՍՀՄ-ից դուրս գալուց հետո Հայաստանում փակվեց մոտ 1000 գործարան: Դրանք այն գործարաններն էին, որոնց կարիքը կար, և որոնք ուղղակի պետք չէր փակել: Սա էշության հետևանք էր: Գործարանը կարող էր աշխատել: Կաուչուկի պահանջարկը կար ոչ միայն նախկին ԽՍՀՄ տարածքում: Բայց եղավ այն, ինչ եղավ: Լուծումներ շատ կան, սակայն հիմնական խնդիրը հումքն է, քանի որ դրա գինն ազդում է նաև ապրանքի գնի վրա»,- ասաց սոցիոլոգը:

ՀՀԿ պատգամավոր Լեռնիկ Ալեքսանյանը նշում է, որ նախքան գործարանի վերագործարկումը պահանջվում է լուրջ ֆինանսատնտեսական և տեխնիկական վերլուծություն: «Նույնիսկ մասնագետները տարբեր կերպ են ընկալում գործարանի շահագործումը, ուստի մեզ լուրջ ծրագիր է պետք: Միանշանակ է մի բան. եթե գործարանն աշխատի, այն փրկություն կլինի Հայաստանի տնտեսության համար: Չկա մարդ, ով ունի հնարավորություն աշխատեցնելու գործարանը և չի նախաձեռնում այդ գործը: Դա ուղղակի անհնար է: Այս առումով մենք պետք է որոշակի շտապողականություն դրսևորենք, քանի որ եթե ձգձգենք այս գործընթացը, կկորցնենք նաև մեր կադրերին, իսկ նրանց նման մասնագետներ գտնելն անհնար կլինի»,- եզրափակեց պատգամավորը:
newsline.am

««ՆԱԻՐԻՏԻ» ՎԵՐԱԳՈՐԾԱՐԿՈՒՄԸ ԻՆՉ-ՈՐ ՕԼԻԳԱՐԽԻ ՀԵՏ ԿԱՊՎԱԾ ՉԷ»

ՀՀԿ պատգամավոր Լեռնիկ Ալեքսանյանն այսօր լրագրողների հետ զրույցում ասաց, որ իշխանությունները շահագրգռված են «Նաիրիտ» գործարանի վերագործարկման համար: ՀՀ նախագահը եւս շատ լավ է պատկերացնում ստեղծված իրավիճակը:
«Իրավունք»-ի հարցին` ինչո՞ւ «Ռոսնեֆտ» ռուսական կազմակերպությունը ներդրումներ չի անում գործարանի վերագործարկման համար, Հայրենական ապրանք արտադրողների միության նախագահ Վազգեն Սաֆարյանը դժվարացավ պատասխանել, միայն ասաց, որ պետք է վերագործարկման համար առաջարկ արվեր «Գազպրոմ»-ին: «Բայց ես, կարծում եմ, առանց օտարի վրա հույս դնելու, մեր ուժերով կարող ենք արտադրել 12.000 տոննա կաուչուկ»,- կարծում է Վազգեն Սաֆարյանը:

Iravunk.am

Թալան էլ է եղել, իհարկե, դա մի հոգով չի եղել

Համաշխարհային բանկը շահագրգռված չէ «Նաիրիտ»-ի վերագործարկման համար, քանի որ ԱՄՆ-ը եւս արտադրում է կաուչուկ,ուստի չի ցանկանա, որ կաուչուկը հանվի միջազգային շուկա։
Անդրադառնալով Համաշխարհային բանկի նախնական այն եզրակացությանը, թե նպատակահարմար չէ վերագործարկել «Նաիրիտ»-ը՝ նշեց Հայրենական ապրանք արտադրողների միության նախագահ Վազգեն Սաֆարյանը։
«Նաիրիտի» վերագործարկվելու դեպքում, ըստ Վազգեն Սաֆարյանի, կարելի է 17 մլն դոլարի շահույթ ապահովվել։ «Կաուչուկի բազայի վրա կարելի է ստեղծել օպտիկական սարքերի համար անհրաժեշտ սոսինձներ: Տարվա ընթացքում կարելի է արտադրել 500 կգ սոսինձ ։ Շատ պահանջված է Ռուսաստանում եւ կիրառվում է հատկապես ռազմական զենքերի մեջ».- նշեց Վազգեն Սաֆարյանը։

ՀՀԿ-ական Լեռնիկ Ալեքսանյանի խոսքերով՝ «Նաիրիտ»-ի հարցում ֆինանսատնտեսական եւ տեխնիկական վերլուծություններ պետք է արվեն եւ արվում են։«Կառավարությունը, վարչապետը, նախարարները, համապատասխան մասնագետները Նախագահի վերահսկողությամբ փնտրտուքի մեջ են, որպեսզի լուծում տրվի հարցին»,- ասաց Լեռնիկ Ալեքսանյանը։

«Նաիրիտ»-ի այսօրվա վիճակի համար ԱԺ հանրապետական պատգամավոր Լեռնիկ Ալեքսանյանը չի մեղադրում նախկին վարչապետ Տիգրան Սարգսյանին.
«Թալան էլ է եղել, իհարկե, դա մի հոգով չի եղել։ Ես հիմքեր չունեմ, որեւէ մեկին մեղադրանք առաջադրեմ»։

Նրա խոսքերով՝ այնպիսի մարդ չկա, ով հնարավորության դեպքում վերագործարկել «Նաիրիտ»-ը։
«Շատ օպտիմիստ եք»,- արձագանքեց Լեռնիկ Ալեքսանյանի խոսքին սոցիոլոգ Ահարոն Ադիբեկյանը։Իսկ Լեռնիկ Ալեքսանյանը եւս մեկ անգամ նշեց, որ թե իշխանությունը եւ թե կառավարությունը շահագրգռված են «Նաիրիտ»-ի խնդիրը լուծել՝ խնդրելով չքաղաքականացնել հարցը։
a1plus.am

Վ.Սաֆարյան. 55 միլիոն դոարով հնարավոր է Նաիրիտը վերագործարկել

Կառավարությունը մեզ պետք է հստակ ասի այն մինիմալ ժամանակացույցը, երբ նաիրիտցիների աշխատավարձերի պարտքերը կմարվեն: Հասկանում ենք, որ կան ֆինանսական խնդիրներ, և «Նաիրիտի» հարցը միայն մեզնից կախված չէ, և մեծ է նաև Ռուսաստանի դերը, բայց նաիրիտցին պիտի իր ձեռքին փաստաթուղթ ունենա, որ համոզված լինի` ստանալու է իր աշխատավարձերը: Այսօր «Նաիրիտ» գործարանի վերագործարկման վերաբերյալ հրավիրված քննարկան ժամանակ ասաց «Նաիրիտ» գործարանի արհմիության ղեկավար Հրաչ Թադևոսյանը:

Նա նշեց, որ այն կարծիքը, թե նաիրիտցիները չեն աշխատել և հիմա պահանջում են աշխատավարձերը, դա ապատեղեկատվություն է և արտադրությանը ծանոթ մարդիկ կհասկանան, որ անկախ գործարանի կանգնած լինելու հանգամանքից, մարդիկ շարունակել են աշխատել:

«Այսօր կառավարությունը պարտավոր է պաշտպանել նախկին աշխատակիցների ոտնահարված իրավունքները»,- հայտարարեց Հրաչ Թադևոսյանը:
Ինչ վերաբերում է Համաշխարհային բանկի իրականացրած աուդիտին, նա ընդգծեց, որ թեև աուդիտի արդյունքները չեն ստացել, բայց ունեն տեղեկություններ, որ նպատակահարմար չեն գտնում «Նաիրիտի» վերագործարկումը:

«Տարիներ առաջ հենց այդ աշխատանքային խումբն էր կրկին աուդիտ իրականացրել և այն ժամանակ ներկայիս կարծիքին չէին: Հավաստիացնում եմ ձեզ, որ «Նաիրիտը» խնդիր չի ունեցել, աշխարհով մեկ իրացրել է իր արտադրանքը: Վերագործարկման դեպքում այսօր էլ կարող է 17 միլիոն դոլարի շահույթ ապահովել»,- ասաց նա:
Հայրենական ապրանք արտադրողների միության նախագահ Վազգեն Սաֆարյանն էլ իր հերթին համոզմունք հայտնեց, որ «Նաիրիտը» հնարավոր է վերագործարկել: Նա նշեց, որ «Նաիրիտի» խնդիրներով զբաղվում է դեռ 2000 թվականից, և որ գործարանն այս վիճակին հասավ միայն՝ ձեռքից ձեռք անցնելով:

««Նաիրիտի» վերագործարկումը հնարավոր է գազով աշխատելու պարագայում: Տարեկան 80 մլն խմ գազ Իրանից ստանալու դեպքում ապրանքային փոխանակման տարբերակով կաուչուկի արտադրությունը հնարավոր կլինի վերականգնել: Ընդամենը 55 միլիոն դոլարի ներդրման արդյունքում կարող է վերագործարկվել»,- ասաց նա:
Համաձայնելով Հրաչ Թադևոսյանի հետ՝ նա ընդգծեց, որ 17 միլիոն դոլարի շահույթ ապահովելն այսօր էլ դժվար չէ և «Նաիրիտի» վերագործարկման հարցում Կառավարությունը պետք է ուշադիր և հետևողական լինի:

«Կարծում եմ, որ ուղղակի շահագրգռվածություն չկա: Համաշխարհային բանկն այնքան էլ շահագրգռված չի կարող լինել «Նաիրիտի» վերագործարկման հարցով, քանի որ համագործակցում է ԱՄՆ-ի, Ճապոնիայի և Գերմանիայի կաուչուկի արտադրական ընկերությունների հետ: Նա կուզենա, որ այդ երկրների արտադրանքը վաճառվի: Գործարանի վերագործարկումը նրանց ձեռնտու չէ»,- ասաց Վ. Սաֆարյանը:
Հրաչ Թադևոսյանն էլ կարծիք հայտնեց, որ «Նաիրիտի» մասին ԱԺ-ում պետք է օրենք ընդունվի:
«Գործարանը հանրապետական նշանակության ձեռնարկություն է, որի վերագործարկումը քաղաքական կամքի դեպքում հնարավոր է»,- եզրափակեց նա:
aysor.am

«Նաիրիտ»-ի վերագործարկումը կլինի մեր փրկությունը. Լեռնիկ Ալեքսանյան

Այսօր լրագրողների հետ հանդիպման ժամանակ ՀՀԿ պատգամավոր Լեռնիկ Ալեքսանյանն անդրադառնալով «Նաիրիտ»-ի վերագործարկման խնդրին, նշեց, որ այս հարցի շուրջ մի շարք մասնագետներ ունեն իրարամերժ կարծիքներ:
«Ես գիտեմ, որ «Նաիրիտ»-ի աշխատողների չափ շահագրգռված են իշխանությունները, քանի որ բոլորս էլ գիտակցում ենք, որ եթե վերագործարկվի այն փրկությունը կլինի մեր տնտեսության և եվրոպական ինտեգրացմն համար» ,-նշեց Լեռնիկ Ալեքսանյանը: ՀՀԿ-ական պատգամավորը նաև իր խոսքում ընդգծեց,որ «Նաիրիտ»-ը հանրապետության տնտեսության հետ է կապված և ոչ թե ինչ-որ մոնոպոլիաների, կամ ինչ-որ օլիգարխների:

Իսկ սոցիոլոգ Ահարոն Ադիբեկյանն էլ իր հերթին նշեց, որ
«Նաիրիտ»-ի ճակատաագիրը հայ հիմարության բացառիկ դեպքերից մեկն է:
«ԽՍՀՄ-ի փլուզումից հետո փակվեց մոտ 1000 գործարան, որոնցից 250-ը եղել են ռազմաարդյուանբերական: Մի շարք առաջարկություններ եմ արել կապված նավթավերամշակման գործարան ստեղեծու համար Մեղրի քաղաքում, սակայն այն ոչ մեկ լուրջ չի ընդունել: Մենք ունենք հրաշալի մասնագետներ: Եթե մենք կորցնենք մեր մասնագետներին, մենք կկորեցնենք մեր շանսը»,- եզրափակեց սոցիոլոգը:
operativ.am

«Նաիրիտ»-ի արհմիության նախագահը՝ «Նաիրիտ»-ի վերագործարկման և անհրաժեշտ գումարի մասին

Այսօր՝ մայիսի 16-ին, լրագրողների հետ հանդիպման ժամանակ «Նաիրտ»-ի արհմիության նախագահ Հրաչ Թադևոսյանն անդրադառնալով «Նաիրիտ»-ի վերագործարկման, նաիրիտիցների ցույցերին, նշեց, որ իրենք այս պահին կառավարությունից պահանջում են հստակ ժամանակացույց; Նրանք կպայքարեն այնքան, մինչև հարցերը գոնե բավարար պատասխանան ստանան:
«Նաիրիտցիների կողմից հավաքներ, ցույցեր սկսվել է 2014թ-ի նոյեմբերից, քանի որ սպասում էինք, որ մինչև 2014թ-ի վերջ կմարվեն պարտքերը և աշխատվարձերը: Բայց քանի որ տեղի չունեցավ մենք մինչև այսօր շարունակում ենք մեր ցույցերը, և արդեն վերջին 2 օրը տեղի է ունենում նախազգուշական նստացույց կառավարության դիմաց»,-ասաց բանախոսը:

Ըստ Հրաչ Թադևոսյանի՝ կառավարությունը ևս մտահոգված է հարցին լուծում տալ, քանի որ Նաիրիտի բաժնետոմսերի 10%-ը պատկանում է Էներգետիկայի նախարարությանը և բացի այդ էլ, նաիրիտցիները ՀՀ քաղաքացիներն են, որոնց ոտնահարված իրավունքները պետք է պաշտպանի:

Բանախոսը նաև նշեց, որ «Նաիրիտ»-ի վերագործարկման համար անհրաժեշտ է ոչ թե 300մլն դոլար, ինչպես հաշվարկել է Համաշխարհային բանկը, այլ հնարավոր է «Նաիրտ»-ը շահագործման ենթարկել ընդամենը 55-65 մլն դոլարով:
«Այսօր «Նաիրտ»-ի վերագործարկման երկու 2 ծրագիր կա՝ ացետիլենային և բուդտադիլենային, որի իրացման համար անհաժեշտ է 55 և 65 մլն դոլար: Եթե «Նաիրիտ»-ը աշխատեցնենք, ապա կունենանք 17 մլն եկամուտ»ՙ- նշեց բանախոսը:
Հրաչ Թադևոսյանը նաև ընդգծեց, որ եթե ուզում ենք, որ «Նաիրտ»-ը վերագործարկի պետք է ԱԺ-ն դրա վերաբերյալ օրենք ընդունի:
operativ.am

«Նաիրիտ»-ը կարող է վերագործարկվել իրանական գազով. Վազգեն Սաֆարյան

«Նաիրիտ»-ը կարող է վերագործարկվել իրանական գազով, որի դիմաց կարող ենք Իրանին փոխհատուցել կամ կաուչուկով կամ էլ էլեկտրաէներգիայով: Այսօր լրագրողների հետ հանդիպման ժամանակ այս մասին նշեց Հայրենական ապրանք արտադրողների միության նախագահ Վազգեն Սաֆարյանը:
Ըստ բանախոսի՝ «Նաիրտ»-ի վերագործարկման դեպքում մենք կարող ենք շահույթ բավարարել:

««Նաիրտ»-ում կարող ենք զբաղվել իզոպրենային կաուչուկների արտադրմամբ ՝ զարգացնելով անվադողերի վաճառքը: Կաուչուկի բազայի վրա կարող ենք ստեղծել սոսինձ՝ 400-500կգ, որն օգագործում են ռազմական օպտիկական սարքերի արտադրության մեջ, որի կարիքն այսօր ունի Ռուսաստանը: Այս կողմից կարող է Ռուսաստանը շահագրգռվածություն ցուցաբերել, բայց ինչ վերաբերում է Համաշխարհային բանկին, ապա նրա դոնորներն ավելի հզոր երկրնեն են»:
Վերջում Վազգեն Սաֆարյանը նաև ընդգծեց, որ մենք կարող ենք համագործակցել «Մեջլոս» բանկի հետ, քանի որ այն վարում է մեղմ քաղաքանություն և «Նաիրտ»-ի պարտքեր սառեցման հետ կապված կարող ենք գալ համաձայնության:

operativ.am

Համաշխարհային բանկն այնքան էլ շահագրգռված չէ «Նաիրիտ»-ի վերագործարկման հարցով. Վազգեն Սաֆարյան

Կառավարությունը մեզ պետք է ասի այն մինիմալ ժամանակացույցը, որից հետո նաիրիտցիների աշխատավարձերի պարտքերը կմարվեն: Հասկանում ենք, որ կան ֆինանսական խնդիրներ, և «Նաիրիտ»-ի հարցը միայն մեզնից կախված չէ՝ կա նաև Ռուսաստանի դերը, բայց նաիրիտցին պիտի իր ձեռքին փաստաթուղթ ունենա, որ համոզված լինի` ստանալու է իր աշխատավարձերը: Այս մասին այսօր «Նաիրիտ»-ի վերագործարկման վերաբերյալ հրավիրված քննարկան ժամանակ ասաց «Նաիրիտ» գործարանի արհմիության ղեկավար Հրաչ Թադևոսյանը:

Ըստ նրա` այն թյուր կարծիքը, թե նաիրիտցիները չեն աշխատել և հիմա պահանջում են աշխատավարձերը, այդպես չէ, արտադրությանը ծանոթ մարդիկ կհասկանան, որ անկախ գործարանի կանգնած լինելու հանգամանքից, մարդիկ շարունակել են աշխատել: «Այսօր կառավարությունը պարտավոր է պաշտպանել նախկին աշխատակիցների ոտնահարված իրավունքները»,- նշեց Հրաչ Թադևոսյանը: Անդրադառնալով Համաշխարհային բանկի իրականացրած աուդիտին` Հրաչ Թադևոսյանը ասաց, որ դեռևս չեն ստացել աուդիտի արդյունքները, բայց իրենց տեղեկություններով, ըստ այդ արդյունքների, նպատակահարմար չեն գտնում «Նաիրիտ»-ի վերագործարկումը:

Նա նաև նկատեց, որ տարիներ առաջ հենց այդ աշխատանքային խումբն էր կրկին աուդիտ իրականացրել և այն ժամանակ ներկայիս կարծիքին չէին: «Հավաստիացնում եմ, որ «Նաիրիտ»-ը խնդիր չի ունեցել, աշխարհով մեկ իրացրել է իր արտադրանքը և վերագործարկման դեպքում այսօր էլ կարող է 17 միլիոն դոլարի շահույթ ապահովել»,- տեղեկացրեց Հրաչ Թադևոսյանը: Հայրենական ապրանք արտադրողների միության նախագահ Վազգեն Սաֆարյանը, ով «Նաիրիտ»-ի խնդիրներով զբաղվում է դեռ 2000 թվականից, ասաց, որ գործարանը, ձեռքից ձեռք անցնելով, հասավ ներկա վիճակին: ««Նաիրիտ»-ի վերագործարկումը հնարավոր է իրականանա գազով աշխատելու պարագայում:

Տարեկան 80 մլն խմ գազ Իրանից ստանալու դեպքում ապրանքային փոխանակման տարբերակով կաուչուկի արտադրությունը հնարավոր կլինի վերականգնել: Ընդամենը 55 միլիոն դոլարի ներդրման արդյունքում կարող է վերագործարկվել, և համաձայն եմ Հրաչ Թադևոսյանի հետ՝ կարող է 17 միլիոն դոլարի շահույթ ապահովել»,-ասաց Վազգեն Սաֆարյանն՝ ընդգծելով, որ «Նաիրիտ»-ի վերագործարկման հարցում Կառավարությունը պետք է ուշադիր լինի: «Կարծում եմ` բացակայում է համապատասխան շահագրգռվածությունը:

Համաշխարհային բանկն այնքան էլ շահագրգռված չի կարող լինել «Նաիրիտ»-ի վերագործարկման հարցով, քանի որ համագործակցում է ԱՄՆ-ի, Ճապոնիայի և Գերմանիայի կաուչուկի արտադրական ընկերությունների հետ, և կուզենա, որ դրանց արտադրանքը վաճառվի: Իրենց ձեռնտու չէ «Նաիրիտ»-ի վերագործարկումը»,- նշեց նա: Հրաչ Թադևոսյանի կարծիքով` «Նաիրիտ»-ի մասին ԱԺ-ում պետք է օրենք ընդունվի: ««Նաիրիտ»-ը հանրապետական նշանակության ձեռնարկություն է, որի վերագործարկումը քաղաքական կամքի դեպքում հնարավոր է»,- իր խոսքը եզրափակեց նա:
Newsbook.am

Շատ օպտիմիստ եք. Ահարոն Ադիբեկյանը` Լեռնիկ Ալեքսանյանին

«Նաիրիտ»-ի վերագործարկման հարցում փուլ առ փուլ լուրջ ֆինանսատնտեսական ու տեխնիկական վերլուծություններ պետք է արվեն, քանի որ այս հարցում պատասխանատվության խնդիր կա: Այս մասին այսօր «Նաիրիտ»-ի վերագործարկման վերաբերյալ հրավիրված քննարկման ժամանակ ասաց ՀՀԿ-ական պատգամավոր Լեռնիկ Ալեքսանյանը: Պատգամավորի կարծիքով` խնդիրը տարբեր կառույցների, ընկերությունների կողմից պատասխանատվություն վերցնելն է, որը ֆինանսանտնտեսական փաթեթների վերլուծություններից հետո միայն հնարավոր կլինի: «Եթե «Նաիրիտ»-ը աշխատի, ապա դա փրկություն կլինի Հայաստանի տնտեսության համար: Ես ուզում եմ, որ քաղաքականից էս կողմ գանք: Այնպիսի մարդ չկա, որ հնարավորության դեպքում չաշխատացնի «Նաիրիտ»-ը»»,- նշեց պատգամավորը՝ հավելելով, որ իշխանությունները փնտրտուքի մեջ են:

«Շատ օպտիմիստ եք»,- արձագանքելով Լեռնիկ Ալեքսանյանի խոսքին` ասաց սոցիոլոգ Ահարոն Ադիբեկյանը: Լեռնիկ Ալեքսանյանը մի քանի անգամ խնդրեց չքաղաքականացնել այս հարցը, քանի որ կարծում է, որ ով էլ լինի` թե՛ իշխանությունը, թե՛ կառավարությունը, շահագրգռված են վերջնականապես լուծել «Նաիրիտ»-ի խնդիրը: Լրագրողների պնդմանը, թե այս հարցը հնարավոր չէ չքաղաքականացնել, քանի որ մի շարք մարդիկ շահագրգռված չեն, որպեսզի խնդիրը վերջնական լուծում ստանա ու չկա նաև քաղաքական կամք իշխանությունների կողմից, Լեռնիկ Ալեքսանյանը նշեց. «Ես այդ կարծիքին չեմ, այս հարցի ի՞նչն է քաղաքական: Ես համոզված եմ, որ Կառավարությունը պարտքերի, գործարանի վերագործարկման հետ կապված խոչընդոտները կհաղթահարի: Կառավարությունը ամենազոր չի, խոչընդոտները աստիճանաբար պետք է հաղթահարվեն»,- իր խոսքը եզրափակեց ՀՀԿ-ական պատգամավորը:

Newsbook.am

Տպելու տարբերակ Տպելու տարբերակ

Դիտել Իրան, Լրահոս, Հասարակություն, Ռուսաստան, Տնտեսություն բաժնի բոլոր նյութերը



Digg this!Add to del.icio.us!Stumble this!Add to Techorati!Share on Facebook!Seed Newsvine!Reddit!Add to Yahoo!

Մեկնաբանությունները թույլատրված չեն